Her er 19 eventyr samla, alle på nynorsk. Boka begynner med eventyr for dei yngste, mens utover i boka vert historiene meir avanserte. Nokre eventyr er moderne versjonar av klassiske eventyr, andre er skrive heilt nye. Både debutantar og etablerte forfattarar som t.d. Bente Bing Kleiva, Einar Økland, Erna Osland og Stein Erik Lunde har skrive kvar sine forteljingar. Boka er illustrert med fargeillustrasjonar. Eventyr for småskole-/mellomtrinnet.
Forlaget skriv om denne boka: Eventyrboka innheld 19 nyskrivne nynorske eventyr. Nokre av forfattarane har laga moderne versjonar av klassiske eventyr, andre har skrive heilt nye. Dei første eventyra i boka passar for dei yngste. Utover i boka vert eventyra meir avanserte. Dette er oppfølgjaren til suksessen Godnattboka som kom ut i 2007.
Som i Godnattboka har Gunvor Rasmussen fått utfalda seg i eit praktfullt og eventyrleg illustrasjonsunivers.
Målgruppe: Forteljingane rettar seg mot barn frå 6 år og fungerer både til høgtlesing og sjølvlesing (frå 8 år). I byrjinga av boka finn ein lettleste forteljingar som eignar seg for dei yngste. Utover i boka vert forteljingane meir avanserte og rettar seg mot eldre barn.
