Historia om tvangsevakueringa frå Nord-Troms og Finnmark. Hausten 1944 gav Adolf Hitler ordre om tilbakedraging av 200 000 tyske soldatar vest for Tana og ned til Lyngen i Nord-Troms. Sivilbefolkninga på omtrent 70 000 personar blei beordra sørover, og gardar og hus blei brende ned til grunnen. Dei tyske soldatane vart oppmoda om ikkje å vise medkjensle. Forfattar Ingunn Elstad beskriv motivasjonen for tvangsevakueringa, og korleis den tyske okkupasjonsmakta planla og gjennomførte den storstilte deportasjonen. Boka skildrar også befolkninga sine lidingar, men også korleis dei prøvde å holde saman undervegs. Nytt arkivstoff ser på dei politiske reaksjonane i Heimefronten, i Tromsø, i eksilregjeringa i London og Den norske legasjonen i Stockholm. Omtalen er utarbeidd av BS.
Korfor gav Hitler befaling om at heile befolkninga skulle bort frå Nord-Troms og Finnmark, barnefamiliar, gamle og sjuke? Korleis vart det gjennomført, og korleis klarte befolkninga seg gjennom transportane og transittane? Boka er ei inngåande og spennande historisk framstilling, som bygger på norske, tyske og britiske arkivkjelder og lokale historier, kjem med nye funn og kastar lys over lite kjente sider ved historia.
Ingunn Elstad er professor emerita ved Universitetet i Tromsø, UiT Noregs arktiske universitet.
