Opplysninger2
| «Folkedikting til kvardagsfest og nattleg høgtid», lover forlaget om Einar Øklands seinaste diktsamling. Her finst mellom anna gåter, ordtøke, stev og prosaiske notisar. Tekstane er skrivne som bruksdikt, til sjølvmedisinering eller sjølvforsvar: «Det er nokon som ropar: Paddene / som kjem ut or munnen / er blitt verneverdige nå, og munnen / kan berre dra til helsike.» Einar Økland var del av den toneangjevande Profil-krinsen på 60- og 70-talet. Han har ein omfattande litterær produksjon, og har sidan vunne ei rekke prisar for enkelttitlar og forfattarskap. Han har skrive romanar, skodespel og dikt, for barn og vaksne. Omtalen er utarbeidd av BS.
|
