Halldis Moren Vesaas (1907-1995) er ein høgt skatta lyrikar, gjendiktar, novellist og barnebokforfattar med ei unik stilling i norsk kulturliv. Ho var gift med den verdskjende forfattaren Tarjei Vesaas, var sjølv ein markant og sentral kulturpersonlegdom og møtte ei mengd av dei norske og nordiske samtidige kunstnarane. Sonen Olav Vesaas (f. 1935) har hatt tilgang til eit unikt kjeldemateriale i arbeidet med denne ærlege og usminka biografien. Mor hans skreiv ned det meste og hadde eit eige arkiv med maskinskrivne tekstar og brev. Boka, som er illustrert med fleire upubliserte fotografiar, skal også syne oss linjene og gje livaktige glimt frå norsk kultur- og mentalhistorie.
Dette er forteljinga om Halldis Moren Vesaas, eit menneske som frå tidleg ungdom lét to sterke interesser - diktekunsten og skodespelkunsten - i stor mon styre livet sitt.
Halldis Moren Vesaas (1907-1995) vart ein av våre mest folkekjære lyrikarar. Mellom debuten i 1929 og fram til 1955 gav ho ut sju diktsamlingar, alle med eit sterkt kvinneleg subjekt og i eit lettfattteleg formspråk. Den siste diktsamlinga, Livshus, kom ut få veker etter at ho døydde og vart ein dei mest selde diktsamlingane her i landet nokon gong. Halldis Moren Vesaas skreiv også barnebøker, essays og to minnebøker om samlivet med Tarjei Vesaas. Biografien fortel om ein markant og sentral kulturpersonlegdom som levde gjennom nesten heile det 20. hundreåret og som møtte fleire norske og nordiske kunstnarvener. Med denne grundige og ærlege boka om mor si har Olav Vesaas også gjeve livaktige glimt frå oppveksten i Trysil, ungdomsår i Europa og familielivet på Midtbø.
