Hausten 2018 kom Marte Michelet med boka «Hva visste hjemmefronten?: holocaust i Norge». Meiningane var mange om innhaldet i boka, men Michelet sin bruk av kjeldene fekk liten oppmerksemd. Forfattarane Elise B. Berggren, Bjarte Bruland og Mats Tangestuen har saumfare boka for å avdekkje mogelege skeivskapar i framstillinga av hendingar og medverkande personar. Med eit særskilt blikk for bruken av originalkjelder, har forfattarane sett på nokre av dei viktigaste emna i boken som tyske varsel om arrestasjonen av dei norske jødane, at jødane blei hindra i å flykte som følje av antisemittisme og at nokon bevisst har skjult sanninga om kva hjemmefronten visste. Omtalen er utarbeidd av BS.
Boka Hva visste hjemmefronten? av Marte Michelet skapte stor debatt etter lanseringa hausten 2018. Mange engasjerte seg og hadde sterke meiningar, men kjeldene til Michelet vart i liten grad kasta lys over.
Det har difor vore naudsynt med ein gjennomgang av boka til Michelet. Tidleg var mistanken vekt hos forfattarane om at framstillinga av aktørar og hendingar var skeiv, med selektiv bruk av originalkjelder eller gjennom feillesing.
Forfattarane har konsentrert seg om nokre av dei viktigaste emna i boka: Var tre tyskarar ansvarlege for å gje tidlege konkrete varsel om arrestasjonen av dei norske jødane? Vart flyktningrutene stengde for jødar berre fordi dei var jødar? Vart jødar på flukt utsette for pengeutpressing av profittdrivne menneskesmuglarar? Og har historikarar og sentrale aktørar prøvd å skule sanninga?
