Beretninga om ein ukjent krigshelt. I 1936 var den norske forretningsmannen Wilhelm Holst, busatt i Paris, med på den republikanske sida i den spanske borgerkrigen. Da Franco og fascistane sigra, hjalp han spanske flyktningar over grensa til Frankrike. I 1941 blei Wilhelm Holst, som ein av dei fem fyrste Special Operation Executive - agentane, verva for å drive undergrunnsarbeid i Frankrike, mellom anna under dekke av å vere ektemann til den britiske agenten Madge Addy. Forfattar Sigrund Slapgard har i samarbeid med barnebarnet til Wilhelm Holst trengt ned i eit omfangsrikt kjeldemateriale for å avdekkje sidar ved livet til bestefaren han aldri fekk møte. Omtalen er utarbeidd av BS.
Jakta på den løynde historia om ein ukjent krigshelt
I 1936 har Hitler tatt makta i Tyskland, Europa er prega av fascistiske straumdrag. Da den spanske borgarkrigen startar, er norske Wilhelm Holst busett i Paris, der han driv forretningar. Snart er han båreberar og frivillig på republikansk side ved fronten i Spania. Etter at fascistane vinn i Spania, hjelper han flyktningar over grensa til Frankrike. Da tyskarane kjem til Noreg, blir dei to sønene hans på femten og seksten år skotne og drepne heime i Ådalen. Frå da av risikerer Holst dagleg livet i hemmeleg undergrunnsarbeid i Frankrike. Han blir spesialagent med mange dekknamn og opererer ofte saman med «fru Holst», den britiske agenten Madge Addy. Kven var han, Wilhelm Holst, og kven var den britiske kvinna som ikkje var hans eigentlege kone?
I denne boka drar barnebarnet på jakt etter løyndomane i livet til ein bestefar han aldri møtte. Saman med forfattar Sigrun Slapgard leitar han i hemmelegstempla dokument og brevsamlingar, og gradvis trer historia fram - ei skakande forteljing om korleis to brutale krigar endra livet til ein mann og slo inn i ein familie.
