Denne rikt illustrerte biografien fortel nært og usminka om Hulda Garborgs krevjande samliv med Arne Garborg, ein av våre mest framståande forfattarar. Men den fortel òg om alt det andre Hulda var: Populær dramatikar og ein produktiv omsetjar, med eigen forfattarskap og journalistisk produksjon. Ho var ungdomsidol, kosthalds- og livsstilsreformator, husflidsgründar og grunnleggjar av Det Norske Teatret. Hulda Garborg var ein av dei mest allsidige og samtidsorienterte kulturarbeidarane landet har sett. Arnhild Skre er historikar, har vært journalist i NRK, Dag og Tid og Aftenposten. Ho har skrive fleire bøker, mellom anna ein biografi om Ragnhild Jølsen i 2009.
«Hva ved de om mig alle disse som tror sig berettiget til at holde Tale for mig fordi jeg har danset lidt med nogen Ungdommer og især fordi jeg er Garborgs Kone? Ingenting.»
HULDA GARBORG 1862-1934) tok oss på kornet i dagboka si. I Noregs lagnadstime som ny, sjølvstendig stat ville ho gje heile seg for å skapa eit nytt Noreg, med norske røter, men i Europa. I denne rikt illustrerte biografien fortel historikar og journalist Arnhild Skre om alt det andre Hulda Garborg også var: Populær dramatikar og ein produktiv omsetjar med stort eige forfattarskap og omfattande journalistisk produksjon. Ho var ungdomsidol, forstadsbohem, kosthalds- og livsstilsreformator. Dessutan bunadsoppfinnar, husflidsgründer, grunnleggjar av Det Norske Teatret og ein av dei mest bereiste og samtidsorienterte kulturarbeidarane landet har sett. Slik blei ho ein utrøytteleg opposisjonell som kunne skjelva for småting i unge år, men som i vaksen alder tålte den beinharde norskdomskampen best av alle.
Biografien fortel også nært og usminka om Huldas krevjande og ukonvensjonelle samliv med Arne Garborg, ein av landets mest framståande forfattarar.
