Vis alltid denne fanen
Symra er vårblomen som varslar sommar. Diktsamlinga Symra, som Ivar Aasen gav ut anonymt i 1863, bar òg bod om ein nasjonal sommar i åndslivet og ein ny litteratur i den språkforma Aasen skapte, nynorsken. Symra er ei klassisk bok i norsk litteratur.
Symra handlar om landet, historia, tradisjonen, årstidene og menneskelivet. Her er dikt om naturen, arbeid, kjærleik, klokskap, sanning, tilgjersle, tru og von.
Dikta skulle syngjast, og mange var dikta til kjende tonar. Den mest kjende songen i Symra er Mellom bakkar og berg , ein av dei få songane nordmenn flest kan utanboks, og av mange rekna som vår andre nasjonalsong. Omtalen er utarbeidet av forlaget.
